6. Conveneruntque Apostoli et seniores videre de verbo hoc.
7. Cum autem magna conquisitio fieret, surgens Petrus dixit ad eos : Viri fratres, vos scitis quoniam ab antiquis diebus Deus in nobis elegit, per os meum audire gentes verbum Evangelii et credere.
8. Et qui novit corda Deus, testimonium perhibuit, dans illis Spiritum Sanctum, sicut et nobis,
9. et nihil discrevit inter nos et illos, fide purificans corda eorum.
10. Nunc ergo quid tentatis Deum, imponere jugum super cervices discipulorum quod neque patres nostri, neque nos portare potuimus ?
11. sed per gratiam Domini Jesu Christi credimus salvari, quemadmodum et illi.
12. Tacuit autem omnis multitudo : et audiebant Barnabam et Paulum narrantes quanta Deus fecisset signa et prodigia in gentibus per eos.
13. Et postquam tacuerunt, respondit Jacobus, dicens : Viri fratres, audite me.