Vetus Testamentum

Novum Testamentum

1 Petri 26:21-29 Vulgata Latina (VULG)

21.  Filii Ledan, filii Gersonni : de Ledan principes familiarum Ledan, et Gersonni, Jehieli.

22.  Filii Jehieli : Zathan, et Joël fratres ejus super thesauros domus Domini.

23.  Amramitis, et Isaaritis, et Hebronitis, et Ozihelitis.

24.  Subaël autem filius Gersom filii Moysi, præpositus thesauris.

25.  Fratres quoque ejus Eliezer, cujus filius Rahabia, et hujus filius Isaias, et hujus filius Joram, hujus quoque filius Zechri, et hujus filius Selemith.

26.  Ipse Selemith, et fratres ejus, super thesauros sanctorum quæ sanctificavit David rex, et principes familiarum, et tribuni, et centuriones, et duces exercitus,

27.  de bellis et manubiis præliorum, quæ consecraverant ad instaurationem et supellectilem templi Domini.

28.  Hæc autem universa sanctificavit Samuel videns, et Saul filius Cis, et Abner filius Ner, et Joab filius Sarviæ : omnes qui sanctificaverant ea per manum Selemith et fratrum ejus.

29.  Isaaritis vero præerat Chonenias, et filii ejus ad opera forinsecus super Israël ad docendum et judicandum eos.

Read complete chapter 1 Petri 26