4. Constituitque coram arca Domini de Levitis, qui ministrarent, et recordarentur operum ejus, et glorificarent atque laudarent Dominum Deum Israël :
5. Asaph principem, et secundum ejus Zachariam : porro Jahiel, et Semiramoth, et Jehiel, et Mathathiam, et Eliab, et Banaiam, et Obededom : Jehiel super organa psalterii et lyras : Asaph autem ut cymbalis personaret :
6. Banaiam vero et Jaziel sacerdotes canere tuba jugiter coram arca fœderis Domini.
7. In illo die fecit David principem ad confitendum Domino Asaph et fratres ejus :
8. Confitemini Domino, et invocate nomen ejus :notas facite in populis adinventiones ejus.
9. Cantate ei, et psallite ei,et narrate omnia mirabilia ejus.
10. Laudate nomen sanctum ejus :lætetur cor quærentium Dominum.
11. Quærite Dominum, et virtutem ejus :quærite faciem ejus semper.