18. Timor non est in caritate : sed perfecta caritas foras mittit timorem, quoniam timor pœnam habet : qui autem timet, non est perfectus in caritate.
19. Nos ergo diligamus Deum, quoniam Deus prior dilexit nos.
20. Si quis dixerit : Quoniam diligo Deum, et fratrem suum oderit, mendax est. Qui enim non diligit fratrem suum quem vidit, Deum, quem non vidit, quomodo potest diligere ?
21. Et hoc mandatum habemus a Deo : ut qui diligit Deum, diligat et fratrem suum.