1. ចូរអំពាវនាវឥឡូវចុះ តើមានអ្នកណានឹងឆ្លើយមកឬទេ តើអ្នកនឹងបែរទៅរកតួបរិសុទ្ធណាទៀត
2. គឺជាសេចក្តីមួម៉ៅ ដែលប្រហារមនុស្សឥតបើគិត ហើយសេចក្តីច្រណែនក៏សំឡាប់មនុស្សឆោតខ្លៅ
3. ខ្ញុំបានឃើញមនុស្សឥតបើគិតចាក់ឫសចុះ តែខ្ញុំបានប្រទេចផ្តាសាដល់ទីលំនៅគេភ្លាម
4. កូនចៅគេនៅឆ្ងាយពីសេចក្តីសង្គ្រោះ វាត្រូវជាន់ឈ្លីនៅត្រង់ទ្វារក្រុង ឥតមានអ្នកណានឹងជួយឡើយ
5. ឯផលចំរូតរបស់គេ នោះពួកអត់ឃ្លានស៊ីអស់រលីងទៅ ពួកនោះច្រូតយក ទាល់តែដល់ក្នុងគុម្ពបន្លាផង ហើយមនុស្សទាល់ក្រលេបទ្រព្យសម្បត្តិគេទៅ
6. ដ្បិតសេចក្តីទុក្ខលំបាកមិនកើតពីធូលីទេ ហើយសេចក្តីវេទនាក៏មិនដុះចេញពីដីដែរ
7. មនុស្សកើតមកតែងមានសេចក្តីវេទនា ដូចជាផ្កាភ្លើងចេះតែហើរទៅលើដែរ។