7. សូមឲ្យអស់អ្នកដែលគោរពប្រតិបត្តិដល់រូបឆ្លាក់មានសេចក្ដីខ្មាសគឺជាពួកអ្នកដែលអួតពីរូបព្រះទាំងប៉ុន្មាននែ ព្រះទាំងឡាយ ចូរថ្វាយបង្គំដល់ទ្រង់ចុះ
8. ឱព្រះយេហូវ៉ាអើយ ក្រុងស៊ីយ៉ូនបានឮ ហើយក៏មានសេចក្ដីអំណរពួកកូនស្រីនៃសាសន៍យូដាបានរីករាយឡើងដោយព្រោះបញ្ញត្តទាំងប៉ុន្មានរបស់ទ្រង់
9. ដ្បិត ឱព្រះយេហូវ៉ាអើយ ទ្រង់ជាព្រះខ្ពស់បំផុតនៅលើផែនដីទាំងមូលទ្រង់ថ្កើងឡើងយ៉ាងវិសេសជាងអស់ទាំងព្រះ
10. ឱពួកអ្នកដែលស្រឡាញ់ព្រះយេហូវ៉ាអើយចូរស្អប់ការអាក្រក់ចុះទ្រង់ទំនុកបំរុងព្រលឹងនៃពួកអ្នកបរិសុទ្ធរបស់ទ្រង់ក៏ជួយគេឲ្យរួចពីកណ្តាប់ដៃនៃពួកមនុស្សអាក្រក់
11. មានពន្លឺបានសាបព្រោះទៅ សំរាប់មនុស្សសុចរិតនិងសេចក្ដីអំណរ សំរាប់មនុស្សដែលមានចិត្តទៀងត្រង់
12. ឱមនុស្សសុចរិតអើយ ចូរមានសេចក្ដីរីករាយក្នុងព្រះយេហូវ៉ាហើយអរព្រះគុណ ឲ្យជាទីរឭកដល់សេចក្ដីបរិសុទ្ធរបស់ទ្រង់ចុះ។