2. ឱចៅក្រមនៃផែនដីអើយ សូមទ្រង់ក្រោកឡើងសូមសងដល់ពួកឆ្មើងឆ្មៃតាមសមគួរ
3. មនុស្សអាក្រក់នឹងនៅមានជ័យជំនះដល់កាលណាទៀតឱព្រះយេហូវ៉ាអើយ តើដល់កាលណាទៅ
4. គេបង្ហូរចេញជាពាក្យព្រហើន ហើយពោលតែពាក្យឆ្មើងឆ្មៃប៉ុណ្ណោះគឺអស់អ្នកដែលប្រព្រឹត្តអំពើអាក្រក់ គេរមែងអួតខ្លួន
5. ឱព្រះយេហូវ៉ាអើយ គេញាំញីរាស្ត្ររបស់ទ្រង់ហើយធ្វើទុក្ខដល់មរដកទ្រង់
6. គេសំឡាប់ស្រីមេម៉ាយ និងពួកអ្នកស្នាក់នៅព្រមទាំងប្រហារជីវិតនៃពួកកំព្រាផង
7. ហើយពោលថា ព្រះយេហូវ៉ាមិនឃើញទេព្រះនៃយ៉ាកុប ទ្រង់មិនពិចារណាឡើយ
8. ឱពួកអ្នកកំរោលក្នុងបណ្តាជនអើយ ចូរពិចារណាចុះឱមនុស្សឥតបើគិតអើយតើកាលណានឹងមានប្រាជ្ញាឡើង
9. ឯព្រះដែលទ្រង់បង្កើតត្រចៀក តើទ្រង់មិនឮទេឬព្រះដែលសូនធ្វើភ្នែក តើទ្រង់មិនឃើញទេឬ
10. ព្រះដែលវាយប្រដៅដល់អស់ទាំងសាសន៍តើទ្រង់មិនផ្ចាលឯងទេឬអីគឺព្រះនោះឯង ដែលបង្រៀនឲ្យមនុស្សមានចំណេះ