1. ឱព្រះយេហូវ៉ាអើយសូមផ្ទៀងព្រះកាណ៌ស្តាប់ពាក្យរបស់ទូលបង្គំសូមពិចារណាការរំពឹងគិតរបស់ទូលបង្គំ
2. ឱបរមក្សត្រដ៏ជាព្រះនៃទូលបង្គំអើយសូមប្រុងស្តាប់សំឡេងនៃពាក្យ ដែលទូលបង្គំអំពាវនាវដ្បិតទូលបង្គំអធិស្ឋានដល់ទ្រង់
3. ឱព្រះយេហូវ៉ាអើយនៅពេលព្រឹក ទ្រង់នឹងឮសំឡេងរបស់ទូលបង្គំគឺនៅពេលព្រឹក ទូលបង្គំនឹងទូលដល់ទ្រង់ ដោយលំដាប់ព្រមទាំងរក្សាពេលចាំយាមផង
4. ដ្បិតទ្រង់មិនមែនជាព្រះដែលសព្វព្រះហឫទ័យនឹងសេចក្ដីល្មើសទេឯសេចក្ដីអាក្រក់ នឹងនៅជាមួយនឹងទ្រង់មិនបាន
5. ពួកឆ្មើងឆ្មៃនឹងឈរនៅចំពោះព្រះនេត្រទ្រង់មិនបានទេទ្រង់ក៏ស្អប់បណ្តាអ្នកដែលប្រព្រឹត្តអំពើទុច្ចរិត
6. ទ្រង់នឹងបំផ្លាញពួកអ្នកដែលពោលពាក្យភូតភរព្រះយេហូវ៉ា ទ្រង់ខ្ពើមឆ្អើម ចំពោះមនុស្សដែលតែងតែកំចាយឈាម ហើយបោកប្រាសគេ