1. កាលគេនិយាយមកខ្ញុំថា ចូរយើងចូលទៅក្នុងដំណាក់នៃព្រះយេហូវ៉ានោះខ្ញុំមានសេចក្ដីអំណរអរណាស់
2. ឱក្រុងយេរូសាឡិមអើយជើងយើងឈរនៅខាងក្នុងទ្វាររបស់ឯងហើយ
3. យេរូសាឡិមអើយ ឯងបានសង់ឡើងដូចជាទីក្រុងដែលណែនណាន់ជាប់គ្នា
4. ជាកន្លែងដែលអស់ទាំងពូជអំបូរ គឺពូជអំបូរនៃព្រះយេហូវ៉ាគេឡើងទៅតាមទំលាប់នៃសាសន៍អ៊ីស្រាអែលដើម្បីនឹងអរព្រះគុណដល់ព្រះនាមព្រះយេហូវ៉ា
5. ដ្បិតនៅទីនោះ មានបល្ល័ង្កតាំងឡើង សំរាប់ការវិនិច្ឆ័យគឺជាបល្ល័ង្កទាំងប៉ុន្មាននៃរាជវង្សដាវីឌ