11. ពាក្យនេះគួរឲ្យជឿ គឺថា:ប្រសិនបើយើងរួមស្លាប់ជាមួយព្រះអង្គយើងក៏នឹងមានជីវិតរស់រួមជាមួយព្រះអង្គដែរ។
12. ប្រសិនបើយើងស៊ូទ្រាំយើងនឹងបានគ្រងរាជ្យជាមួយព្រះអង្គ។ប្រសិនបើយើងបដិសេធមិនទទួលស្គាល់ព្រះអង្គព្រះអង្គក៏នឹងបដិសេធមិនទទួលស្គាល់យើងវិញដែរ។
13. ប្រសិនបើយើងមិនស្មោះត្រង់ព្រះអង្គនៅតែស្មោះត្រង់ដដែលដ្បិតព្រះអង្គពុំអាចបដិសេធព្រះអង្គផ្ទាល់បានឡើយ។
14. អ្នកត្រូវរំឭកដាស់តឿនបងប្អូន ទាំងបញ្ជាក់យ៉ាងម៉ឺងម៉ាត់ នៅចំពោះព្រះភ័ក្ត្រព្រះជាម្ចាស់ ឲ្យគេចៀសវាងឈ្លោះប្រកែកគ្នាអំពីពាក្យពេចន៍ ព្រោះគ្មានផលប្រយោជន៍អ្វីឡើយ គឺនាំតែកើតអន្តរាយដល់អ្នកស្ដាប់ប៉ុណ្ណោះ។
15. ចូរខំប្រឹងធ្វើយ៉ាងណាឲ្យបានគាប់ព្រះហឫទ័យព្រះជាម្ចាស់ និងចូលជិតព្រះអង្គ ក្នុងឋានៈជាកម្មករ ដែលគ្មានអ្វីនាំឲ្យអៀនខ្មាស ព្រោះខ្លួនបានចែកផ្សាយព្រះបន្ទូលនៃសេចក្ដីពិតយ៉ាងត្រឹមត្រូវ។