1. នេះជាពាក្យបណ្ដាំចុងក្រោយបង្អស់របស់ព្រះបាទដាវីឌ។នេះជាព្រះបន្ទូលរបស់ព្រះជាម្ចាស់ថ្លែងដោយព្រះបាទដាវីឌជាបុត្ររបស់លោកអ៊ីសាយជាមនុស្សដែលព្រះជាម្ចាស់លើកតម្កើងយ៉ាងខ្ពស់បំផុតជាស្ដេចដែលព្រះរបស់លោកយ៉ាកុបបានចាក់ប្រេងអភិសេក ជាស្ដេចដែលប្រជាជនអ៊ីស្រាអែលតែងតែច្រៀងសរសើរ។
2. ព្រះវិញ្ញាណរបស់ព្រះអម្ចាស់មានព្រះបន្ទូលតាមរយៈខ្ញុំព្រះអង្គដាក់ព្រះបន្ទូលនៅលើអណ្ដាតខ្ញុំ។
3. ព្រះរបស់ជនជាតិអ៊ីស្រាអែលមានព្រះបន្ទូលព្រះអង្គដែលជាថ្មដាការពារអ៊ីស្រាអែលទ្រង់មានព្រះបន្ទូលមកខ្ញុំថា៖ស្ដេចណាគ្រប់គ្រងប្រជាជនដោយសុចរិតគឺស្ដេចដែលគ្រប់គ្រងប្រជាជនដោយគោរពកោតខ្លាចព្រះជាម្ចាស់
4. ស្ដេចនោះប្រៀបដូចជាពន្លឺព្រះអាទិត្យរះឡើងនៅពេលព្រឹកដែលផ្ទៃមេឃស្រឡះល្អពន្លឺនោះធ្វើឲ្យស្មៅលាស់ខៀវខ្ចីក្រោយពេលភ្លៀង។