1. ក្រោយពេលព្រះអម្ចាស់រំដោះព្រះបាទដាវីឌ ឲ្យរួចផុតពីកណ្ដាប់ដៃរបស់ខ្មាំងសត្រូវទាំងប៉ុន្មាន និងរួចផុតពីកណ្ដាប់ដៃរបស់ព្រះបាទសូលហើយ ព្រះបាទដាវីឌស្មូត្រទំនុកតម្កើងថ្វាយព្រះអម្ចាស់ដូចតទៅ៖
2. «ព្រះអម្ចាស់ជាថ្មដាការពារខ្ញុំជាបន្ទាយដ៏រឹងមាំរបស់ខ្ញុំជាព្រះដែលរំដោះខ្ញុំ។
3. ព្រះជាម្ចាស់ជាថ្មដាសម្រាប់ឲ្យខ្ញុំពឹងជ្រកព្រះអង្គជាខែល ជាកម្លាំងដែលសង្គ្រោះខ្ញុំនិងជាជម្រកដ៏រឹងមាំរបស់ខ្ញុំ។ព្រះអង្គសង្គ្រោះខ្ញុំឲ្យរួចពីជនឃោរឃៅ។