5. ព្រះអង្គបង្ក្រាបមនុស្សព្រៃឲ្យបាត់មាត់ឈឹងដូចព្រះអង្គបន្ថយកម្ដៅក្នុងទីហួតហែង។ព្រះអង្គក៏ធ្វើឲ្យចម្រៀងជោគជ័យរបស់មនុស្សសាហាវប្រែជាស្ងាត់សូន្យដូចពពកបន្ថយកម្ដៅថ្ងៃដែរ។
6. ព្រះអម្ចាស់នៃពិភពទាំងមូលនឹងជប់លៀងប្រជាជនទាំងអស់នៅលើភ្នំស៊ីយ៉ូនគឺមានម្ហូបដ៏ឆ្ងាញ់ពិសានិងស្រាទំពាំងបាយជូរដ៏មានឱជារសបំផុតមានសាច់ចំឡក និងស្រាទំពាំងបាយជូរដែលគេសំរាំងយ៉ាងល្អ។
7. នៅលើភ្នំនោះ ព្រះអង្គនឹងដកស្បៃកាន់ទុក្ខចេញពីជាតិសាសន៍ទាំងប៉ុន្មានហើយក៏ដកវាំងននទុក្ខព្រួយចេញពីប្រជាជាតិទាំងអស់ដែរ។
8. ព្រះអង្គនឹងបំបាត់សេចក្ដីស្លាប់រហូតតទៅ ព្រះជាអម្ចាស់នឹងជូតទឹកភ្នែកចេញពីមុខរបស់មនុស្សទាំងអស់។ព្រះអង្គក៏ដកការអាម៉ាស់នៃប្រជារាស្ត្ររបស់ព្រះអង្គ ចេញពីទឹកដីទាំងមូលដែរ។- នេះជាព្រះបន្ទូលរបស់ព្រះអម្ចាស់។
9. នៅថ្ងៃនោះ គេនឹងប្រកាសថា៖«ព្រះជាម្ចាស់ជាព្រះនៃយើងយើងបានផ្ញើជីវិតលើព្រះអង្គហើយព្រះអង្គសង្គ្រោះយើងយើងបានផ្ញើជីវិតលើព្រះអម្ចាស់មែន!ចូរយើងសប្បាយរីករាយ និងមានអំណរឡើងដ្បិតព្រះអង្គសង្គ្រោះយើង!»។