2. ចូលទៅក្នុងផ្ទះដែលគេកាន់ទុក្ខប្រសើរជាងចូលទៅក្នុងផ្ទះដែលគេជប់លៀងដ្បិតអ្នកដែលនៅរស់ត្រូវចងចាំថា សេចក្ដីស្លាប់ជាចុងបញ្ចប់របស់មនុស្សគ្រប់ៗរូប។
3. ទុក្ខព្រួយប្រសើរជាងសើចសប្បាយដ្បិតទឹកមុខក្រៀមក្រំអាចបង្កប់នូវចិត្តអរសប្បាយ។
4. មនុស្សមានប្រាជ្ញាតែងចូលចិត្តនៅជាមួយអ្នកមានទុក្ខរីឯមនុស្សលេលាចូលចិត្តតែកន្លែងណាដែលមានការសប្បាយ។
5. ស្ដាប់ពាក្យស្ដីបន្ទោសរបស់មនុស្សមានប្រាជ្ញាប្រសើរជាងស្ដាប់ពាក្យបញ្ចើចបញ្ចើរបស់មនុស្សល្ងីល្ងើ។
6. សំណើចរបស់មនុស្សលេលាប្រៀបបីដូចជាស្នូរបន្លាដែលឆេះនៅពីក្រោមឆ្នាំង។ត្រង់នេះក៏ឥតបានការអ្វីដែរ។
7. ពេលណាអ្នកប្រាជ្ញប្រើអំណាចសង្កត់សង្កិនអ្នកដទៃអ្នកប្រាជ្ញនោះក្លាយទៅជាមនុស្សលេលាហើយសំណូកក៏រមែងធ្វើឲ្យមនុស្សពុករលួយដែរ។
8. បង្ហើយការងារអ្វីមួយ វិសេសជាងចាប់ផ្ដើមចិត្តអត់ធ្មត់ ក៏វិសេសជាងចិត្តអួតបំប៉ោងដែរ។
9. កុំឆាប់មានចិត្តមួម៉ៅឡើយដ្បិតមានតែមនុស្សលេលាប៉ុណ្ណោះដែលរហ័សមួម៉ៅ។