6. ព្រះអង្គបង្គាប់ឲ្យព្រឹលធ្លាក់មកលើផែនដីព្រះអង្គបង្គាប់ឲ្យភ្លៀងទាំងមេៗបង្អុរចុះមក។
7. ពេលនោះ ព្រះអង្គបញ្ឈប់សកម្មភាពរបស់មនុស្សទាំងអស់ដើម្បីឲ្យគេទទួលស្គាល់ស្នាព្រះហស្ដរបស់ព្រះអង្គ។
8. សត្វព្រៃនាំគ្នារត់ទៅរកជម្រកហើយសំងំនៅក្នុងរូងរបស់វា។
9. ខ្យល់កួចបក់មកពីទិសខាងត្បូងហើយខ្យល់ត្រជាក់បក់មកពីទិសខាងជើង។
10. ដោយសារខ្យល់របស់ព្រះជាម្ចាស់ទឹកប្រែជាកក ហើយផ្ទៃទឹកប្រែជារឹង។
11. ព្រះអង្គធ្វើឲ្យមានចំហាយនៅក្នុងពពកព្រមទាំងឲ្យពពកនោះជះពន្លឺដ៏ភ្លឺផ្លេក។
12. ព្រះអង្គឲ្យពពករសាត់ទៅគ្រប់ទិសទីស្របតាមព្រះហឫទ័យដែលព្រះអង្គប្រើវាឲ្យទៅសព្វទីកន្លែងនៅលើផែនដី។
13. ធ្វើដូច្នេះ ដើម្បីព្រះអង្គដាក់ទោសមនុស្សនៅលើផែនដី ឬសម្តែងព្រះហឫទ័យសប្បុរសរបស់ព្រះអង្គ។
14. លោកយ៉ូបអើយសូមត្រងត្រាប់ស្ដាប់សេចក្ដីទាំងនេះសូមនៅស្ងៀម ហើយរិះគិតអំពីស្នាព្រះហស្ដដ៏អស្ចារ្យរបស់ព្រះអង្គ!