1. ព្រះអម្ចាស់មានព្រះបន្ទូលថា៖«យើងនឹងធ្វើឲ្យខ្យល់ព្យុះបក់បោកបំផ្លាញក្រុងបាប៊ីឡូននិងប្រជាជននៅក្រុងនោះ។
2. យើងនឹងប្រើគេឲ្យមករែងក្រុងបាប៊ីឡូនដូចគេរែងអង្ករ។អ្នកទាំងនេះនឹងយកអ្វីៗទាំងអស់ចេញពីស្រុកពួកគេមកពីគ្រប់ទិសទី វាយលុកក្រុងបាប៊ីឡូននៅថ្ងៃដ៏សែនវេទនានោះ។
3. កុំត្រាប្រណីទាហានបាញ់ព្រួញនិងអ្នកពាក់អាវក្រោះ ដែលពើងទ្រូង!កុំត្រាប្រណីយុវជនរបស់ពួកគេ!ចូរបំផ្លាញកងទ័ពទាំងមូលរបស់ពួកគេចោលទៅ!»។
4. ពួកគេដួលស្លាប់នៅក្នុងស្រុកខាល់ដេអ្នកដែលគេចាក់ទម្លុះ ត្រូវស្លាប់នៅតាមដងផ្លូវក្នុងក្រុងបាប៊ីឡូន
5. ព្រោះពួកគេប្រព្រឹត្តខុសចំពោះព្រះដ៏វិសុទ្ធនៃជនជាតិអ៊ីស្រាអែល ពាសពេញក្នុងស្រុក។ប៉ុន្តែ ព្រះអម្ចាស់នៃពិភពទាំងមូល ដែលជាព្រះរបស់ជនជាតិអ៊ីស្រាអែល និងជនជាតិយូដាទ្រង់មិនបោះបង់ចោលប្រជារាស្ត្ររបស់ព្រះអង្គឡើយ។
6. ចូររត់ចេញពីក្រុងបាប៊ីឡូនទៅ!ម្នាក់ៗរត់ប្រាសអាយុ!មិនគួរទុកឲ្យខ្លួនវិនាសសូន្យព្រោះតែកំហុសរបស់ក្រុងនេះឡើយ!ដ្បិតពេលនេះជាពេលដែលព្រះអម្ចាស់សងសឹកព្រះអង្គសងទៅជនជាតិបាប៊ីឡូនវិញតាមអំពើដែលពួកគេបានប្រព្រឹត្ត!