33. ស្រុកហាសោរនឹងក្លាយទៅជា ជម្រករបស់ឆ្កែព្រៃជាទីស្មសានរហូតតទៅគឺនឹងគ្មានប្រជាជនរស់នៅហើយក៏គ្មានមនុស្សណាមកជ្រកអាស្រ័យនៅទៀតដែរ»។
34. នៅដើមរជ្ជកាលព្រះបាទសេដេគា ជាស្ដេចស្រុកយូដា ព្រះអម្ចាស់មានព្រះបន្ទូលមកកាន់ព្យាការីយេរេមា ស្ដីអំពីស្រុកអេឡាំដូចតទៅ:
35. ព្រះអម្ចាស់នៃពិភពទាំងមូលមានព្រះបន្ទូលថា៖«យើងកាច់បំបាក់ធ្នូ ជាអាវុធដ៏ល្បីល្បាញរបស់ជនជាតិអេឡាំ។
36. យើងនឹងធ្វើឲ្យខ្យល់ទាំងបួនទិសបក់មកលើស្រុកអេឡាំយើងឲ្យខ្យល់ទាំងនោះកំចាត់ពួកគេខ្ចាត់ខ្ចាយទៅគ្រប់ទិសទីជនជាតិអេឡាំទៅនៅក្នុងចំណោមប្រជាជាតិទាំងអស់ ឥតចន្លោះណាមួយឡើយ។
37. យើងនឹងធ្វើឲ្យជនជាតិអេឡាំញ័ររន្ធត់នៅចំពោះមុខខ្មាំងសត្រូវ និងនៅចំពោះមុខអស់អ្នកដែលចង់ប្រហារជីវិតពួកគេ។យើងនឹងនាំទុក្ខវេទនាមកលើពួកគេដោយកំហឹងដ៏ខ្លាំងក្លារបស់យើង- នេះជាព្រះបន្ទូលរបស់ព្រះអម្ចាស់ -យើងនឹងឲ្យដាវទៅតាមប្រហារពួកគេរហូតទាល់តែប្រល័យជីវិតពួកគេអស់គ្មានសល់។
38. យើងនឹងមកគ្រងរាជ្យលើស្រុកអេឡាំយើងនឹងប្រហារជីវិតស្ដេច និងនាម៉ឺនរបស់ពួកគេ- នេះជាព្រះបន្ទូលរបស់ព្រះអម្ចាស់-
39. ប៉ុន្តែ នៅគ្រាក្រោយយើងនឹងស្ដារស្រុកអេឡាំឡើងវិញ»។