1. នេះជាព្រះបន្ទូលស្ដីអំពីជនជាតិអាំម៉ូន។ ព្រះអម្ចាស់មានព្រះបន្ទូលថា៖«តើអ៊ីស្រាអែលគ្មានកូនតពូជទេឬ?ហេតុអ្វីបានជាព្រះម៉ូឡុកមកកាន់កាប់ទឹកដីកាដដូច្នេះ?ហេតុអ្វីបានប្រជាជនរបស់ព្រះម៉ូឡុកមករស់នៅក្នុងក្រុងនានានៃស្រុកកាដ?
2. ហេតុនេះ នៅគ្រាខាងមុខយើងនឹងឲ្យសង្គ្រាមកើតមានដល់ជនជាតិអាំម៉ូននៅក្រុងរ៉ាបាត់- នេះជាព្រះបន្ទូលរបស់ព្រះអម្ចាស់។ក្រុងនោះនឹងក្លាយទៅជាទីស្មសានហើយក្រុងទាំងឡាយដែលនៅជុំវិញនឹងត្រូវវិនាសដោយភ្លើង។ពេលនោះ អ៊ីស្រាអែលនឹងយកទឹកដីដែលជនជាតិអាំម៉ូនដណ្ដើមទៅនោះបានមកវិញ- នេះជាព្រះបន្ទូលរបស់ព្រះអម្ចាស់។