35. ព្រះអម្ចាស់ដែលតែងតាំងព្រះអាទិត្យឲ្យបំភ្លឺនៅពេលថ្ងៃហើយព្រះច័ន្ទ និងហ្វូងតារាបំភ្លឺនៅពេលយប់ តាមពេលកំណត់ព្រះអង្គធ្វើឲ្យកក្រើកទឹកសមុទ្រនិងមានរលកបក់បោកព្រះអង្គដែលមានព្រះនាមថា“ព្រះអម្ចាស់នៃពិភពទាំងមូល” មានព្រះបន្ទូលថា៖
36. «ប្រសិនបើច្បាប់ធម្មជាតិទាំងនេះលែងមាននោះអ៊ីស្រាអែលក៏លែងមានឈ្មោះជាប្រជាជាតិនៅចំពោះមុខយើងរហូតតទៅដែរ»- នេះជាព្រះបន្ទូលរបស់ព្រះអម្ចាស់។
37. ព្រះអម្ចាស់មានព្រះបន្ទូលទៀតថា៖«ប្រសិនបើគេអាចវាស់បណ្ដោយផ្ទៃមេឃនិងជម្រៅផែនដីបាននោះយើងក៏បោះបង់ចោលពូជពង្សអ៊ីស្រាអែលព្រោះតែអំពើទាំងប៉ុន្មានដែលពួកគេប្រព្រឹត្តដែរ»- នេះជាព្រះបន្ទូលរបស់ព្រះអម្ចាស់។
38. នៅគ្រាខាងមុខ គេនឹងសង់ទីក្រុងឡើងវិញថ្វាយព្រះអម្ចាស់ គឺចាប់តាំងពីប៉មហាណានាលរហូតដល់ទ្វារនៅជ្រុងកំពែង។
39. គេនឹងកំណត់ព្រំប្រទល់ថ្មីរបស់ទីក្រុង ចាប់ពីកន្លែងនោះឆ្ពោះទៅទិសខាងលិច រហូតដល់ភ្នំការេប រួចបត់ឆ្ពោះទៅកូអាត។