អ្នករាល់គ្នាធ្វើឲ្យព្រះអម្ចាស់នឿយណាយព្រោះតែពាក្យសម្ដីរបស់អ្នករាល់គ្នាតែអ្នករាល់គ្នាបែរជាពោលថា “តើពួកយើងមានធ្វើអ្វីឲ្យព្រះអង្គនឿយហត់?”គឺមកពីអ្នករាល់គ្នាពោលថា:“អ្នកណាប្រព្រឹត្តអំពើអាក្រក់អ្នកនោះជាមនុស្សល្អនៅចំពោះព្រះភ័ក្ត្ររបស់ព្រះអម្ចាស់ដ្បិតព្រះអង្គគាប់ព្រះហឫទ័យនឹងមនុស្សបែបនេះ!”ហើយអ្នករាល់គ្នាពោលទៀតថា:“តើព្រះដែលវិនិច្ឆ័យដោយយុត្តិធម៌នៅឯណា?”។