16. នៅក្នុងស្រុក សូមឲ្យមានស្រូវយ៉ាងបរិបូណ៌នៅតាមកំពូលភ្នំ សូមឲ្យមានភោគផលច្រើនដូចនៅស្រុកលីបង់ ហើយនៅក្នុងទីក្រុងសូមឲ្យប្រជាជនកើនចំនួនឡើងដូចស្មៅនៅតាមទីវាល។
17. សូមឲ្យព្រះរាជាមានព្រះនាមល្បីល្បាញរហូតតទៅគឺសូមឲ្យព្រះនាមព្រះករុណានៅស្ថិតស្ថេរគង់វង្សដូចព្រះអាទិត្យ។សូមឲ្យមនុស្សម្នាយកព្រះនាមព្រះករុណាទៅជូនពរគ្នាទៅវិញទៅមកហើយប្រជាជាតិទាំងអស់នឹងពោលថាព្រះរាជាប្រកបដោយព្រះពរ!
18. សូមលើកតម្កើងព្រះជាអម្ចាស់ជាព្រះរបស់ជនជាតិអ៊ីស្រាអែលដ្បិតមានតែព្រះអង្គទេដែលសម្តែងការអស្ចារ្យទាំងនេះ!