17. ឱព្រះជាម្ចាស់អើយព្រះតម្រិះរបស់ព្រះអង្គជ្រៅជ្រះណាស់ហើយមានច្រើនឥតគណនាទៀតផង
18. ប្រសិនបើទូលបង្គំរាប់ ក៏រាប់មិនអស់ដែរព្រោះមានចំនួនច្រើនជាងគ្រាប់ខ្សាច់ទៅទៀតហើយទោះបីទូលបង្គំអាចរាប់ជិតអស់ក្ដីក៏ទូលបង្គំនៅតែពុំទាន់យល់ពីព្រះអង្គដដែល។
19. ឱព្រះជាម្ចាស់អើយព្រះអង្គគួរតែប្រហារមនុស្សពាលហើយបណ្តេញពួកឃាតកចេញឲ្យឆ្ងាយពីទូលបង្គំ។
20. បច្ចាមិត្តរបស់ព្រះអង្គនាំគ្នាយកព្រះនាមព្រះអង្គទៅប្រើសម្រាប់បោកបញ្ឆោតហើយគេនិយាយពីព្រះអង្គដោយឥតបានការ។
21. ឱព្រះអម្ចាស់អើយទូលបង្គំស្អប់អស់អ្នកដែលស្អប់ព្រះអង្គទូលបង្គំស្អប់ខ្ពើមអស់អ្នកដែលឃុបឃិតប្រឆាំងនឹងព្រះអង្គ។
22. ទូលបង្គំស្អប់អ្នកទាំងនោះយ៉ាងខ្លាំងបំផុតទូលបង្គំចាត់ទុកពួកគេជាខ្មាំងសត្រូវរបស់ទូលបង្គំផ្ទាល់។
23. ឱព្រះជាម្ចាស់អើយ សូមពិនិត្យមើលទូលបង្គំដើម្បីឲ្យស្គាល់ចិត្តទូលបង្គំសូមល្បងលមើលទូលបង្គំដើម្បីឲ្យជ្រាបអ្វីៗដែលទូលបង្គំគិត!
24. សូមទតមើលទូលបង្គំផងប្រសិនបើឃើញទូលបង្គំដើរខុសផ្លូវនោះសូមដឹកនាំទូលបង្គំឲ្យដើរក្នុងមាគ៌ាដែលនៅស្ថិតស្ថេរអស់កល្បជានិច្ចផង។