1. Aku banjur tumenga maneh sarta weruh: lah ana kreta papat metu saka ing antarane gunung loro. Anadene gunung iku gunung tambaga.
2. Kreta kang kapisan rakitane jaran abang, kreta kang kapindho jaran ireng.
3. Kang katelu jaran putih lan kang kapat jaran plangka lan plontheng.
4. Aku banjur nyuwun priksa marang malaekat kang ngandikan karo aku, aturku: “Dhuh bendara, punika sadaya tegesipun kadospundi?”
5. Paring wangsulane malaekat: “Kabeh iku metu marang ing keblat papat, sawuse padha seba marang ing ngarsane Pangeraning salumahe bumi.”