2. nanging banjur lumebu ing papaning katentreman;wong kang urip kalawan ati kang lurusbakal oleh palereman ana ing paturone.
3. Nanging sira kabeh iku padha nyedhaka mrene,he para anake wong wadon juru tenung,he turune wong kang laku jinalan wong wadon tunasusila!
4. Sira padha nganggo gegojegan sapa,sapa kang padha sira celathoni kalawan tetembungan kang ora-oralan kang sira erang-erang iku?Apa sira kabeh iku dudu anaking wong mbalela,turuning wong cidra?,
5. he para wong kang padha kaobong dening hawa-nepsune ana ing sacedhake wit-wit kang kramat,ana ing sangisoring saben wit kang nggrembel,he para wong kang nyembeleh bocah ana ing lebak-lebak,ing sela-selaning tengger parang.
6. Sira mung kadunungan watu-watu kang klimis kang saka ing kali,lan iya mung iku kang katemtokake tumrap sira;iku uga padha sira wenehi kurban unjuk-unjukan,lan sira ladeni kurban dhaharan.Apa Ingsun bakal nyabari kang mangkono iku?
7. Sira mrenahake paturoniraana ing gunung kang dhuwur lan munggultuwin sira uga banjur munggah ing gunung konoprelu ngladekake kurban sembelehan.
8. Sira ndekek lambanging brahalaniraana ing dhempeling lawang lumebu ing omahira,malah sira wus ninggal Ingsunlan cucul sandhangan babar pisan,sira wus ngunggahi tuwin ngambakake paturonira;sira wus nganakake prajanjian karo wong sawatara kang sira karepakesira ajak sapaturonsarta sira ngawasake palanangane.