Prajanjian Lawas

Prajanjian Anyar

Yesaya 21:1-11 Kitab Sutji (JAV)

1. Wangsit tumrap “pasamunan ing pinggir sagara”.Kayadene lesus anggone gumrubug ngliwati Tanah Negeb,kaya mangkono tekane saka ing ara-ara samun,saka ing nagara kang nggegirisi.

2. Ana wahyu kang bengis kang wus kawangsitake marang aku:“Si penggarong nggarong, si pengrusak, ngrusak!Majua, he Elam, kepungen, he Madai!Sakehing pangesah kang kalirake wus Sunsirep.”

3. Mulane lambungku lara banget,aku lara muleskaya mulesing wong wadon kang manak;aku mringkus-mringkus, ora krungu maneh,aku kaget, ora ndeleng maneh.

4. Atiku ngolang-ngaling, aku kalimputan ing rasa trataban,wayah bengi kang tansah dakangen-angen iku saiki gawe geterku.

5. Wong padha ribut nata pasugatan,nata palenggahan, dhaharan, pangunjukan ...Dumadakan keprungu: “He para panggedhe!Samektaa ing perang, lenganana tamenge!”

6. Amarga mangkene pangandikane Pangeran marang aku:“Sira lungaa, masanga wong jaga,apa kang kadeleng kudu dikandhakake.

7. Samangsa sumurup prajurit jaranan sagelengan, ngloro-ngloro,wadya-bala nunggang kuldi, wadya-bala nunggang unta,iku kudu diwaspadakake temenan,kalawan nastiti banget.”

8. Wasana kang ndeleng iku nguwuh-uwuh:“Wonten ing panggung panjagen,dhuh bendara kula,kula tansah ngadeg sadinten muput,tuwin wonten ing papan panjagen kula kapanjering saben dalu.”

9. Lah punika sampun wonten prajurit sagelengan ingkang dhateng,wadya-bala kapalan!Wong mau banjur nguwuh-uwuh maneh:“Sampun rebah, Babil sampun rebah,tuwin sakathahing recanipun brahala sampun karemukakensaha pating slebar wonten ing siti.”

10. He bangsaku kang wus kaidak-idak lan kainjek-injekapa kang dakrungu saka Pangeran Yehuwah Gustining sarwa tumitah,Gusti Allahe Israel,wus daksumurupake marang kowe.

11. Wangsit tumrap Duma.Ana wong kang nguwuh-uwuh marang aku saka ing Seir:“He wong jaga, apa wengine isih suwe?He wong jaga, apa wengine isih suwe?”

maca bab lengkap Yesaya 21