8. Cangkemmu angapna kanggo wong bisu,lan kanggo wewenange wong kang nglayung.
9. Cangkemmu angapna, lan gawea putusan kang adil.Wong kang katindhes lan kang miskin padha wenehana wewenange.
10. Rabi kang cakep sapa kang bisa nemu?Dene ajine ngungkuli mutiara.
11. Atine kang lanang pracaya marang kang wadon iku,kang lanang ora tau kekurangan kauntungan.
12. Tansah gawe becik marang kang lanang, ora tau ditanduki ala,ing sajege uripe.
13. Ngupaya wulu wedhus gembel lan rami,lan seneng nggarap pagawean klawan tangane.
14. Kayadene prau-praune sudagar,nekakake rejekine saka ing papan kang adoh.
15. Anggone tangi isih peteng,banjur nyadhiyakake pangan kanggo wong saomahlan mbage-mbage gawean marang sakehe pembantune wadon.
16. Bisa tuku pategalan, kang dikarepake,pituwasing tangane kanggo wragad nanduri pakebonan anggur.
17. Bangkekane disabuki karosan,lengene dikuwatake.