1. Ing jaman kawitan Gusti Allah nitahake langit lan bumi.
2. Anadene bumi mau campur-bawur lan suwung, segara kesaput ing pepeteng, dene Rohe Gusti Allah nglayang ing sadhuwure banyu.
3. Gusti Allah banjur ngandika: “Anaa pepadhang!” Tumuli ana padhang.
4. Padhang mau dipirsani wus becik lan Gusti Allah banjur misahake padhang karo peteng.
5. Kang padhang diparingi aran raina, dene kang peteng: wengi. Mangkono wus dadi sore lan esuk: dina kang kapisan.