1. -- Menyang ngendi tindake kekasihmu,he, wong sulistya ing satengahe para wanita?Menyang ngendi enering tindake kekasihmu,aku arep padha ngrewangi kowe nggoleki.
2. -- Kekasihku tedhak menyang ing pakebonan,ing bedheng-bedhenging anggi-anggi,ngengen wedhuse ana ing pakebonanlan methiki kembang bakung.
3. Aku iki kagungane kekasihku,lan kekasihku iku darbekku,kang angen wedhus gembel ana ing satengahing kembang bakung.
4. Kowe iku endah ing warna, dhuh memanisku, kaya kutha Tirza,edi-endah kaya kutha Yerusalem,ngebat-ebati kaya balatantra kalawan tunggule.
5. Mripatmu engokna saka aku,amarga aku dadi ngleleng marga saka iku.Rambutmu pindha pepanthan wedhus,kang tumurun ngombak-ombak saka ing gunung Gilead.
6. Untumu kadya pepanthan wedhus gembel,kang jumedhul saka pangguyangan,kabeh padha manak kembar,ora ana kang ora duwe anak.