2. Sih-susetyaning Yehuwah badhe kawula kidungaken ing salaminipun,kasetyan Paduka badhe kawula suwuraken kaliyan cangkem kawula turun-tumurun.
3. Amargi sih-susetya Paduka binangun ing salami-laminipun;kasetyan Paduka jejeg kados langit.
4. Paduka sampun ngandika: “Ingsun wus karya prajanjian kalawan pilihaningSun,Ingsun wus supaos marang Dawud, abdiningSun.
5. Wijinira Suntetepake ing salawas-lawase,sarta dhamparira Sunbangun nganti turun-tumurun.” (Selah)
6. Margi saking punika langit ngucap sokur margi saking kaelokan Paduka, dhuh Yehuwah,malah inggih jalaran saking kasetyan Padukaing satengahing pasamuwanipun para suci.
7. Amarga ing mega-mega iku sapa kang ngembari Pangeran Yehuwah,lan ing antarane para kang manggon ing swargasapa kang madhani Sang Yehuwah?
8. Gusti Allah kineringan ana ing kalangane para suci,lan banget diwedeni ngluwihi kabeh kang padha ngayap ing sakiwa tengene.
9. Dhuh Yehuwah, Gusti Allahipun sarwa tumitah, sinten ingkang kados Paduka?Paduka punika santosa, dhuh Yehuwah, saha kasetyan Paduka wonten ing sakubeng Paduka.