17. Damare wong duraka iku kerep dipateni;padha ketaman ing sangsara,sarta padha kapanduman kasusahan dening Allah sajroning bendu.
18. Padha kaya dami ana ing ngareping angin,kaya mrambut kabur ing prahara.
19. Bilaine kasimpen dening Allah kanggo anak-anake.Prayogane wong iku dhewe kang diganjar dening Gusti Allah, supaya krasa,
20. prayogane mripate dhewe supaya nyumurupi karusakane,lan awake dhewe ngombe bebendune Kang Mahakuwasa!
21. Awit dheweke isih mreduli apa marang brayate sawuse mati,yen wus entek gunggunging sasine?
22. Mangsa Gusti Allah kok dicaosi piwulang dening manungsa,Panjenengane kang ngadili wong-wong mau saka ing ngaluhur!