1. Gusti Yesus banjur ngadika marang wong akeh lan marang para sakabate:
2. “Para ahli Toret lan para wong Farisi iku padha nglinggihi palenggahane Nabi Musa.
3. Mulane padha nglakonana lan nuruta marang sakabehing piwulange, nanging aja niru marang tindak-tanduke, amarga iku padha aweh piwulang, nanging ora padha nglakoni dhewe.
4. Padha mbongkoki gegawan kang abot-abot banjur ditumpangake ing pundhaking wong, nanging dheweke dhewe ndumuk bae ora gelem.
5. Sakabehing tindak-tanduke iku mung supaya bisaa katon ing wong; nganggo tali sembahyang amba, nganggo gombyok dawa-dawa.
6. Padha linggih ing papan kang kajen dhewe ana ing pahargyan lan ing ngarep dhewe ana ing papan pangibadah.
7. Padha seneng diurmati ana ing pasar-pasar lan seneng disebut guru.