18. Sawise mangkono banjur padha wiwit ngurmati Panjenengane, pangucape: “Ngaturaken salam, dhuh ratunipun tiyang Yahudi.”
19. Mustakane banjur dipenthungi nganggo glagah, diidoni lan disembah karo jengkeng.
20a. Sawise disawenang-wenang mangkono iku, agemane jubah wungu dicopot lan disantuni pangagemane piyambak.
20b. Sawise mangkono Gusti Yesus banjur kadhabyang metu arep disalib.
21. Nalika samana ana wong liwat jenenge Simon, wong Kirene, bapakne Aleksander lan Rufus, lagi bali saka ing pategalan. Iku dipeksa dikon manggul salibe Gusti Yesus.
22. Gusti Yesus banjur diirid menyang pangonan kang aran Golgota, tegese: pacumplungan.