22. מְשֵׁיזַבְאֵ֥ל צָד֖וֹק יַדּֽוּעַ׃
23. פְּלַטְיָ֥ה חָנָ֖ן עֲנָיָֽה׃
24. הוֹשֵׁ֥עַ חֲנַנְיָ֖ה חַשּֽׁוּב׃
25. הַלּוֹחֵ֥שׁ פִּלְחָ֖א שׁוֹבֵֽק׃
26. רְח֥וּם חֲשַׁבְנָ֖ה מַעֲשֵׂיָֽה׃
27. וַאֲחִיָּ֥ה חָנָ֖ן עָנָֽן׃
28. מַלּ֥וּךְ חָרִ֖ם בַּעֲנָֽה׃
29. וּשְׁאָ֣ר הָעָ֡ם הַכֹּהֲנִ֣ים הַ֠לְוִיִּם הַשּׁוֹעֲרִ֨ים הַמְשֹׁרְרִ֜ים הַנְּתִינִ֗ים וְֽכָל־הַנִּבְדָּ֞ל מֵעַמֵּ֤י הָאֲרָצוֹת֙ אֶל־תּוֹרַ֣ת הָאֱלֹהִ֔ים נְשֵׁיהֶ֖ם בְּנֵיהֶ֣ם וּבְנֹתֵיהֶ֑ם כֹּ֖ל יוֹדֵ֥עַ מֵבִֽין׃
30. מַחֲזִיקִ֣ים עַל־אֲחֵיהֶם֮ אַדִּירֵיהֶם֒ וּבָאִ֞ים בְּאָלָ֣ה וּבִשְׁבוּעָ֗ה לָלֶ֙כֶת֙ בְּתוֹרַ֣ת הָאֱלֹהִ֔ים אֲשֶׁ֣ר נִתְּנָ֔ה בְּיַ֖ד מֹשֶׁ֣ה עֶֽבֶד־הָֽאֱלֹהִ֑ים וְלִשְׁמ֣וֹר וְלַעֲשׂ֗וֹת אֶת־כָּל־מִצְוֺת֙ יְהוָ֣ה אֲדֹנֵ֔ינוּ וּמִשְׁפָּטָ֖יו וְחֻקָּֽיו׃