Tsohon Alkawari

Sabon Wasiya

Mak 4:1-9 Littafi Mai Tsarki (HAU)

1. Ƙaƙa zinariya ta zama duhu!Ƙaƙa zinariya tsantsa ta sāke!Tsarkakakkun duwatsu kuma suna zubeA kowane magamin titi.

2. Darajar samarin SihiyonaTa kai tamanin zinariya tsantsa.To, ƙaƙa ake lissafinsu kamar tukwanen ƙasa,Aikin hannun maginin tukwane?

3. Ko diloli ma sukan ba 'ya'yansu mama,Su shayar da su.Amma mutanena sun zama kamar jiminai cikin jeji.

4. Harshen jinjiri ya liƙe a dasashinsa saboda ƙishi,'Yan yara suna roƙon abinci,Amma ba wanda ya ba su.

5. Su waɗanda suka ci abubuwa masu daɗi,Sun halaka a titi.Su waɗanda aka goye su da alharini,Yanzu suna kwance a kan tsibin toka.

6. Gama zunubin mutanenaYa fi zunubin Saduma,Wadda Ubangiji ya hallakar da ita nan da nan.

7. Keɓaɓɓunta sun fi dusar ƙanƙara tsabta,Sun kuma fi madara fari.Jikunansu sun fi murjani ja.Kyan tsarinsu yana kama da shuɗin yakutu.

8. Yanzu fuskokinsu sun fi kukunniya baƙi,Ba a iya fisshe su a titi ba,Fatar jikinsu ta liƙe wa ƙasusuwansu,Sun bushe kamar itace.

9. Gara ma waɗanda takobi ya kasheDa waɗanda yunwa ta kashe,Gama sun rame sarai saboda rashin abinci.

Karanta cikakken babi Mak 4