1. Suna cikin yin magana da jama'a sai firistoci da shugaban dogaran Haikali da Sadukiyawa suka ji haushi ƙwarai, suka aukar musu,
2. don suna koya wa jama'a, suna tabbatar da tashi daga matattu, suna misali da Yesu.
3. Sai suka kama su, suka sa su a gidan waƙafi kafin gobe, don magariba ta riga ta yi.
4. Amma da yawa daga cikin waɗanda suka ji wa'azin sun ba da gaskiya, har jimillarsu ta kai wajen mutum dubu biyar.
5. Kashegari shugabanninsu da dattawansu da malamansu na Attaura suka taru a Urushalima,
6. tare da Hanana, babban firist, da Kayafa, da Yahaya, da Iskandari, da kuma duk waɗanda suke dangin babban firist.
7. Da suka tsai da su a tsakiya, suka tuhume su, suka ce, “Da wane iko ne, ko kuwa da wane suna ne, kuka yi haka?”