1. Don haka, ni ɗan sarƙa saboda Ubangiji, ina roƙonku ku yi zaman da ya cancanci kiran da aka yi muku,
2. da matuƙar tawali'u, da salihanci, da haƙuri, kuna jure wa juna saboda ƙauna.
3. Da ƙwazo ku kiyaye ɗayantuwar da Ruhu yake zartarwa, kuna a haɗe a cikin salama.
4. Jiki guda ne, Ruhu kuma guda, kamar yadda aka kira ku a kan begen nan guda, wanda yake game da kiran nan.
5. Ubangiji guda ne, bangaskiya guda, da kuma baftisma guda.
6. Allah ɗaya ne, Ubanmu duka, wanda yake bisa duka, ta wurin duka, a cikin duka kuma.
7. Amma an ba kowannenmu alheri gwargwadon baiwar Almasihu.