Nuevo Testamento

1 Corintios 5:6-13 Tûpâ Ñandeyára Ñeê 1913 (GRN1913)

6. Naipôrâi peñe mombeu guasu coicha. ¿Nda peicuaaipa mîchîmi pe mbuyape mbobúva ombobupájá opa pe oyepokyty jague?

7. Pembojecovia, upeicharamo, pe mbuyape mbobújá ituyáva reje, peêcuera pepyta jaguâ peteî oyepokyty pyajú vaicha. Ndipori voí pende pype penembobujarâ. Pe ñande Pascua Cristo voi oyeyucáucáma vaecue ñande rejejápe.

8. Upévareje ñamboareté na mbuyape mbobújá ituyávaichapéi, ja na mbuyape mbobújá ivaíva ja iñañavaichapéi. Ñamboareténte mbuyape oñembobú-ŷ-vaecueichape ñande pyaite guive yopará-ŷ-reje ja jecoitépe.

9. Yma voi jaeuca vaecue cuatia ñeê rupi anichene jaguâ peyejea umi itieŷva ndive.

10. Ndajaei peyepeapáite jaguâicha umi ybypóra cuera itieŷva gui terâ umi oipota potavéva gui, terâ umi mondajá gui terâ umi ombuetéva taângá gui, upearâ voi tecôtevêta peyeí co ybyárigui.

11. Coanga jaeuca peême co cuatia ñeêrupi anichene jaguâ peyejea oimeraêva oñejenoîva ñande reŷiva ramo reje itieŷva ramo jae, terâ oipota potavéva terâ ombueteva taângápe terâ oporaóva terâ icauva terâ imondáva, umichagua ndive nde recaru vaerâi yepe.

12. ¿Mbaépa cheve iya amojenda umi ñande rejeguaŷme? ¿Ndajaeipa umi ñanderejeguápe iyáva peême pemojenda jaguâ.

13. Umi ñanderejeguaŷme Tûpâ Ñandeyárante omojendane. Pemboína, upeicharamo, pe jecovaívape pende apytegui.

Leer capítulo completo 1 Corintios 5