1. Opavave opu'ã ha ogueraha hikuái Jesúspe Pilato rovake.
2. Henondépe oñepyrũ oñe'ẽ hese he'ívo:--Rojuhu ko kuimba'épe oporomopu'ãmba oikóvo tetãpýre. He'i nañame'ẽi vaerãha viru mburuvicha guasu Roma guápe. Ha upéi ave he'i ijehe ha'eha Mesías, pe mburuvicha guasu.
3. Pilato oporandu chupe:--Nde piko hína judío kuéra ruvicha guasu?Jesús he'i chupe:--Ndéma niko ere.
4. Aipórõ Pilato he'i umi pa'i ruvichápe ha opavavépe:--Ndajuhúi hese mba'eve ikatúva omoĩ vai chupe.