54. Aipórõ omyakãsã hikuái Jesúspe, ha ogueraha chupe pa'i guasu rógape. Pedro oho hapykuéri mombyrymi.
55. Upépe, pe korapy mbytépe, ojatapy ra'e hikuái ha oguapy joa ijerére. Ha Pedro oguapy avei ijapytéte kuéra.
56. Upe jave, peteĩ kuña tembijokuái, ohechávo chupe oguapy hína pe tataypýpe, oma'ẽ porã hese ha he'i:--Kóva avei oĩ kuri hendive.
57. Pedro katu he'i:--Nahániri, che ndaikuaái chupe.
58. Upe riremínte, ambueháma ohecha chupe, ha he'i:--Nde avei ha'e kuérava.Pedro he'i:--Nahániri, nde kuimba'e, che ndaha'éi.
59. Upe rire avei, oimeve he'íva:--Añetehápe ha'e oĩ kuri hendive. Upéi ave niko, ha'e Galileagua voi.