49. Pe mburuvicha katu he'i chupe:--Karai, pya'éna jaha che ra'y omano mboyve.
50. Ha Jesús he'i chupe:--Tereho nde rógape. Nde ra'y oikovéta.Pe kuimba'e ojeroviáre Jesús he'ívare, oho hógape.
51. Oguahẽmbotávo hógape, hembiguái kuéra osẽ huguãitĩvo ha he'i chupe:--Nde ra'y niko oikove.
52. Ha oporandu chupe kuéra ha'e, araka'e guivépa ita'ýra oñepyrũ oñeñandu porãve. Ha he'i chupe hikuái:--Kuehe, asaje pyte riremi opoi chugui iñakãnundu.
53. Upépe, pe mitã ru ohecha kuaa upe javete Jesús he'i hague chupe ‘Nde ra'y oikovéta’. Upévare ha'e ha opa hogagua ojerovia Jesús rehe.
54. Ko Jesús ou jeývo Judéagui yvy Galiléape niko mokõiháma hína, ha ojapo jey mba'e hechapyrãva.