31. Upe aja Jesús remimbo'e kuéra ojerure asy chupe, he'ívo:--Mbo'ehára, ekarúna michĩmínte jepe.
32. Ha'e katu he'i chupe kuéra:--Oiméko areko ha'u vaerã, peẽ peikuaa'ỹva.
33. Hemimbo'e kuéra katu oporandu ojupe:--Máva piko oguerúne ra'e chupe ho'u vaerã?
34. Jesús katu he'i chupe kuéra:--Che rembi'u niko kóva: ajapo vaerã upe che mbou vaekue rembipota ha amoguahẽ vaerã hu'ãme pe chéve ome'ẽ vaekue ajapo haguã.
35. Peẽ niko pehendu oje'éva: ‘Irundy mes gueteri ohasa vaerã, kóga ñemono'õha ára oguahẽ haguã.’ Che katu ha'e peẽme: ‘Pema'ẽ umi kokuére ha pehecháta, koga'a otyarõmbamaha oñemono'õ haguã.’