10. Israel ñemoñare oho opyta Obótpe.
11. Upe rire oho tenondeve ha opyta Iié-Abarímpe, oĩva yvy ojeiko'ỹháme, Moábgui kuarahy resẽ gotyo.
12. Pégui oho jey ha opyta ysyry Zéred rembe'ýpe.
13. Oho tenondeve hikuái ha opyta ysyry guasu Arnón yvate gotyo, yvy ojeiko'ỹháme ojepysóva amorréo retã meve. Ysyry guasu Arnón omboja'o ojuehegui Moab ha amorréo retã.
14. Upévare pe kuatia ñe'ẽme hérava “Ñandejára ñorãirõ” oje'e:“Vaheb, Sufá ypýpe, ysyry Arnón,
15. ha ysyry kuéra táva Ar peve oguahẽva,ha Moab rembe'y gotyo ojepysóva.”
16. Pégui oho hikuái ha oguahẽ peteĩ hendápe hérava Beer. Upépe oĩ pe ykua Ñandejára he'i hague Moiséspe: “Embyaty maymávape amboy'u haguã chupe kuéra”.
17. Upérõ Israel ñemoñare opurahéi vaekue péicha:Epu'ã ykua!Tojepurahéi chupe:
18. “Ykua ojo'óva mburuvicha ha myakãhára kuéra,ombokuáva yvyra jekohápe.”Pe yvy ojeiko'ỹhágui ohove ha oguahẽ Matanápe.
19. Upégui Nahaliélpe ha upégui Bamótpe,
20. ha Bamótgui pe ñúme oĩva Moab retãme. Upépe oñepyrũ pe yvyty hérava Pisgá ha upéva ru'ãgui ojekuaa pe yvy ojeiko'ỹha.