1. Ñandejára he'i Moisés ha Aarónpe ojejapo haguã péicha:
2. Israel ñemoñare opyta ramo peteĩ hendápe, peteĩ-teĩ topyta opytahápe ibandera pegua. Hekoha kuéra toñemoĩ Jotopa Róga jerére mombyrymi.
3-9. Kuarahy resẽ gotyo toñemohenda División Judá mbohapy iregimiento ha huvicha kuéra reheve, péicha:Regimiento Judá: Mburuvicha Nahasón, Aminadab ra'y: 74.600 kuimba'e.Regimiento Isacar: Mburuvicha Natanael, Suar ra'y: 54.400 kuimba'e.Regimiento Zabulón: Mburuvicha Eliab, Helón ra'y: 54.700 kuimba'e.Maymáva retakue: 186.400 kuimba'e. Ojeku'e ramo Regimiento Judá toho tenondete.
10-16. Yvy gotyo toñemoĩ División Rubén mbohapy iregimiento ha huvicha kuéra reheve, péicha:Regimiento Rubén: Mburuvicha Elisur, Sedeúr ra'y: 46.500 kuimba'e.Regimiento Simeón: Mburuvicha Selumiel, Surisadai ra'y: 59.300 kuimba'e.Regimiento Gad: Mburuvicha Eliasaf, Reuel ra'y: 46.650 kuimba'e.Maymáva retakue, 151.450 kuimba'e.Ojeku'évo, División Rubén toho División Judá rapykuéri.
17. Levíta kuéra ogueraháva Jotopa Róga ojepe'a vaekue, ha opa mba'e hesegua, toho umi Regimiento pa'ũme. Regimiento kuéra toku'e oñemohenda haguéicha chupe kuéra.