1-2. Oñe'ẽ Tupã Jonás, Amitai ra'ýpe ha he'i chupe kóicha:—Tereho upe táva guasuete Nínive héravape ha eikuaauka chupe kuéra aikuaapamaha umi hembiapo vaikue.
3. Jonás katu oho rangue Nínivepe, oñemomombyry chugui. Ha okañy haguã Tupãgui oho táva Jópepe. Upépe ojuhu peteĩ ygára guasu osẽmbotáva Tarsíspe ha opaga ha ojupi ipype, oimo'ãgui upépe okañytaha Tupãgui.
4. Tupã katu ombou peteĩ yvytu ratã ha upe y ipochy etereígui ha'ete vaicha ku ho'yguýtava hi'ygára kuéra.