30. ha he'i chupe:—Che ñembyahýi eterei! Ja'umína pe ne rembi'u pytãngy asývagui. Upévare Esaú oñembohéra avei Edom.
31. Jacob he'i chupe:—Eme'ẽ raẽ chéve taita rovasa paha ne mba'erãva hína, nde ita'ýra ypykuégui.
32. Esaú he'i chupe:—Topyta ndéve. Amano ramo ñembyahýigui, na che moingove mo'ãi taita rovasa paha.
33. Jacob he'i chupe:—Eme'ẽ chéve ne ñe'ẽ Tupã rérape, ko'agãite voi rehejaha chéve taita rovasa paha.Ha'e ojapo upéicha ha ome'ẽ chupe tembi'úre itúva rovasa paha.
34. Upérõ Jacob ome'ẽ ityke'ýrape tembi'u ha mbujape. Esaú oguapy okaru ha ho'u kaguy. Upéi opu'ã ha oho jey, ojepy'apy'ỹre itúva rovasa paháre.