23. ha he'i chupe:—Máva rajy piko nde? Ikatúnepa apyta che irũ nguéra ndive pende rógape ko pyhare?
24. Ha Rebeca he'i:—Che, niko hína Betuel rajy. Che ru katu Nahor ha Milcá ñemoñare.
25. Ógape oĩ pepyta haguã ha oĩ avei pene kaméllo kuérape guarã heta hembi'urã.
26. Upérõ pe karai oñesũ omomba'e guasu Ñandejárape,
27. ha he'i: “Tojererohory Ñandejára, Abraham Tupã, ohechauka haguére ohayhuha chupe, ha oĩha iñe'ẽme ome'ẽ vaekue chupe. Ha'e che reru ajavy'ỹre che rape, che jára róga rehegua kuéra rogaite peve.”
28. Upe kuñataĩ oho pya'e isy rógape omombe'úvo opa mba'e.