Antiguo Testamento

Nuevo Testamento

Génesis 17:1-9 Ñandejara Ñe’e (GDC)

1. Abram oguereko ramo 99 áño, Ñandejára ojechauka chupe ha he'i: “Che ha'e Tupã ipu'akapáva, eikóke aipotaháicha ha eñeha'ã ne marangatu.

2. Añe'ẽ me'ẽ, heta romoñemoñaréta.”

3. Abram ojeity ha omboja isyva yvýre, ha Tupã he'i chupe:

4. “Péicha añe'ẽ me'ẽ ndéve: Ndéta heta tetã ru ypykue.

5. Na nde réra mo'ã véima Abram. Nde rérata Abraham, che roiporavógui reiko haguã heta tetã ru ypykue ramo.

6. Heta ne ñemoñaréta ha ijapytépe oĩta tetã nguéra ruvicha guasu.

7. Opa ára peve guarã che ñe'ẽ me'ẽ ndéve ha ne ñemoñarépe: Aikóta ne Tupã ha ne ñemoñare Tupã ramo opa árape guarã.

8. Ame'ẽta ndéve ha chupe kuéra ko yvy reikoha ágã, Canaán retã tuichakue pene mba'erã, ha aikóta Itupã ramo opa árapeve guarã.”

9. Tupã he'i jey Abrahámpe:—Nde ha ne ñemoñare kuéra avei pejapóta che ñe'ẽ me'ẽ.

Leer capítulo completo Génesis 17