41. Ka'aru pytũvo eikuave'ẽ ovecha ra'y mokõiha trígo ku'i ha kaguy reheve pyhareve guaréicha, mba'e kuave'ẽ ojehapýva ha hyakuã asýva Ñandejárape.
42. Opaite ára, ko'ã mba'e kuave'ẽ tojehapy che renondépe Jotopa Róga rokẽme. Jotopa Rógape jajotopáta jepi añe'ẽ haguã ne ndive.
43. Upépe avei ajotopáta Israelgua ndive, ha aĩ haguére, Jotopa Róga oñemboykéta chéve guarã.
44. Amboykéta che mba'erã Jotopa Róga ha altar. Avei Aarón ha ita'ýra kuéra pa'irã che mba'éva.
45. Aikóta Israelgua apytépe ha chéta chupe kuéra guarã Tupã.
46. Upéicha oikuaáta hikuái cheha Tupã Ijára anohẽ vaekue chupe kuéra Egíptogui, aiko haguã ijapytépe kuéra. Che hína Tupã Israel Jára