14. Tóro ra'y ro'o, ipirekue ha hekakakue katu ehapy tekoha rokápe. Upéva hína mba'e kuave'ẽ ojeheja rei haguã angaipa.
15. Upéi Aarón ha ita'ýra kuéra tomoĩ ipo, peteĩva umi ovecha mácho akã ári.
16. Ojejuka rire, ehypýi huguykue altar jerekuévo.
17. Upéi eipehe'ã, ejohéi hyekue ipo ha ipykue ha emoĩ ipehẽngue ha iñakãngue reheve,
18. eraha altar ári ha ehapypaite. Upéva hína mymbahapy*f** Ñandejára peguarã, hyakuã asýva chupe.
19. Aarón ha ita'ýra kuéra tomoĩ ipo ovecha mácho ambue akã ári.
20. Ejuka upe ovecha mácho ha huguykuépe emona Aarón ha ita'ýra kuéra nambiguy, ikuã guasu akatúa ha ipysã guasu akatúa. Pe tuguy rembyre katu rehypýita pe altar jerére.