1. Mburuvicha guasu Asuero omoĩ impuésto opa upe tetã pýre ha umi ísla kuéra rupi oĩva yguasu rupi.
2. Opa umi mba'e ojapo vaekue, ha omoĩ ramo guare Mardoquéope mburuvicha ramo, oñemoĩmba umi kuatiápe oñemoĩháme voi opa umi mba'e ojehúva upe tetã hérava Media ha Pérsiape.
3. Mburuvicha guasu rire ndaipóri ambue mba'e guasuvéva upe judío Mardoquéogui. Herakuã porã ha ojehayhu vaekue hetãgua apytépe, ha'e ohecha kuaágui chupe kuéra ha oñeha'ãgui hese kuéra.
3a. Mardoqueo he'i: “Tupã upe ojapóva opa ko'ã mba'e.
3e. Ko'ága che mandu'a ko'ã mba'ére hague upe che képe ahecha vaekue,*xm* ha ahecha hagueichaite ou ojehu. Ahecha vaekue:
3g. peteĩ yvumígui oikoha ysyry guasu, ha upéi ahecha peteĩ mba'e ohesapéva, upéi katu kuarahy y ipahávo heta y. Upe ysyry niko Ester hína. Hese omenda mburuvicha guasu ha omoingo chupe mburuvicha guasu kuñáva ramo.
3h. Umi mokõi teju jagua katu Amán ha che hína.
3i. Umi tetã katu umi oñembyaty vaekue ohundi haguã judío kuérape.
3j. Che retã hína umi Israelgua kuéra, osapukái vaekue Tupãme ha ha'e oipytyvõ chupe kuéra. Añetehápe, Ñandejára niko oipe'a hetãguápe ojejopy vaihágui. Heta mba'e hechapyrãva ha'e ojapo, ojehecha'ỹháicha ambue tetã rupi araka'eve.
3k. Tupã niko omboyke hetãme guarã peteĩ mba'e, ha tetã nguérape guarã ambue mba'e.
3l. Upéi oguãhe upe ára Tupã ombojovaketaha opavavépe, ha ojeity haguã po'ã ko'ã mokõi mba'ére.
3m. Upérõ, Tupã imandu'a Israel rehe, hetãva hína ha ome'ẽ chupe heko peguávante.
3n. Upévare, Israelgua kuéra ombyarate vaerã ára 14 ha 15 mes hérava Adar pegua, ha oñembyatypa vaerã hikuái ovy'a haguã oñondivepa Tupã renondépe.*xn* Ha upéicha ojejapo vaerã opa ára, Israel Tupã retãme.
3o. Áño irundyhápe Tolomeo ha Cleopatra ojupi haguépe mburuvicha guasu ramo, pa'i Dositeo, Leví ñemoñare rehegua ha ita'ýra Tolomeo ogueru ko kuatia oñe'ñe'ẽhápe Purim arete rehe. Ha'e kuéra he'i kóva ndaha'eiha peteĩ kuatia gua'u reínteva, ha Lisímaco, oikóva Jerusalénpe, ombohasa hague griego ñe'ẽme.